ԻՆՍՊՈՐՏ
Երբ սպորտն ապրելակերպ է
2018թ․ նոյեմբերի 7-ից Քանաքեռ-Զեյթուն վարչական շրջանում գործում է Ինսպորտ մարզաառողջարանային կենտրոնը։«Երբ սպորտն ապրելակերպ է»․ ահա այսպիսի կարգախոս ունի ակումբը։ Ժամանակակից մարզասարքերով հագեցած կենտրոնը նախատեսված է առողջ ապրելակերպը գնահատող և կարևորող բոլոր մարդկանց համար։Ինսպորտը բազմաֆունկցիոնալ մարզական կենտրոն է, որն ունի 4 հարկ։ Այն իր մեջ ներառում է ջրի մաքրման քառաստիճան ֆիլտրման համակարգով լողավազան, ուժային և կարդիո մարզումների սրահներ՝ նախատեսված ուժային պարապմունքների համար, ինչպես նաև 2 խմբային մարզումների, մանկական և մարտարվեստների սրահներ։ Մարզասրահները հագեցած են նորագույն մարզագույքով: Կենտրոնում գործում են ֆիննական և արևելյան շոգեբաղնիքներ և սպա կենտրոն։ Բացի երեխաների համար նախատեսված մարզումների սրահից, կենտրոնում գործում է նաև խաղասենյակ՝ նախատեսված ավելի փոքր երեխաների համար, որոնք 2 ժամ անվճար կարող են մնալ խաղասենյակում, մինչև ծնողները կմարզվեն։Կենտրոնում գործում է նաև սրճարան, որը ամենահարմարավետ անկյունն է մարզումներից հետո կորցրած էներգիան վերականգնելու համար։