ԿԻՆՈՄՈՍԿՎԱ
Արի կինոյի աշխարհ
«Մոսկվա» կինոթատրոնը վերաբրենդավորվել է՝ այսուհետ «Կինոմոսկվա»։ Նոր կարգախոսը՝ «Արի կինոյի աշխարհ», հրավեր է բոլորին՝ բացահայտելու ոչ միայն կինոյի կախարդական աշխարհը, այլև վերագտնելու մի վայր, որը երկար տարիներ եղել է մեր մշակութային ժառանգության անբաժանելի մասը։ Վերազինվել և նորացվել են կինոթատրոնի թե՛ վիզուալ և ձայնային տեխնիկան, թե՛ էկրանները: Տեղադրվել են BARCO ընկերության հզորագույն 4K լազերային պրոյեկտորներ:Տեղադրվել են առաջատար Harkness Screens բրիտանական ընկերության առանձնահատուկ էկրաններ, որոնք ապահովում են գույնի պայծառություն և լույսի հավասարաչափ բաշխում, ինչը թույլ է տալիս դահլիճի ցանկացած անկյունից տեսնել բարձր որակի պատկեր։ Տեղադրվել են DOLBY ձայնային պրոցեսորներ, որոնք թույլ են տալիս իրականացնել ձայնային կարգավորումներ նաև ATMOS տեխնոլոգիաներին համապատասխան: LUIS Wassman ձայնային համակարգը հնարավորություն է տալիս հավասարաչափ տարածել ձայնը դահլիճում՝ զգալիորեն բարձրացնելով հանդիսատեսի ընկալման որակը: